પરિષદવૃત્ત: સમાચાર

ઓક્ટોબર-૨૦૧૮

ઓક્ટોબર

  • આગામી કાર્યક્રમો

  • શ્રી ભક્તિપ્રસાદ મો. ત્રિવેદી (પત્રકારત્વ) વ્યાખ્યાનમાળા : ગુજરાતી સાહિત્ય પરિષદ અને જનજાગૃતિ અભિયાન, વડોદરાના સંયુક્ત ઉપક્રમે શ્રી ભક્તિપ્રસાદ મો. ત્રિવેદી (પત્રકારત્વ) વ્યાખ્યાનમાળા અંતર્ગત શ્રી ઉર્વીશ કોઠારીએ તા. ૨૮-૯-૨૦૧૮ના રોજ સાંજે ૪-૦૦ કલાકે, ગુજરાતી વિભાગ, ફૅકલ્ટી ઑફ બરોડા, વડોદરામાં ’ગાંધીજીનું પત્રકારત્વ’ વિષય પર વક્તવ્ય આપ્યું હતું.
  • વડોદરા અનુબંધ (પત્ર-સરિતા): ગુજરાતી સાહિત્ય પરિષદના વડોદરા અનુબંધ અને બળવંત પારેખ સેન્ટર ફૉર જનરલ સિમેન્ટિક્સ ઍન્ડ અધર હ્યુમન સાયન્સિઝ, વડોદરાના ઉપક્રમે ’પત્ર-સરિતા’ (પત્રો લખ્યા હતા એમને, વધાવીએ આપણે) કાર્યક્રમ તા. ૨-૬-૨૦૧૮ના રોજ સાંજે ૬-૦૦ વાગ્ય બળવંત પારેખ સેન્ટરમાં યોજાયો હતો.
  • મુંબઈ અનુબંધ: ગુજરાતી સાહિત્ય પરિષદ - મુંબઈ અનુબંધના સંયુક્ત ઉપક્રમે વિશ્વ ગુજરાતી ભાષાદિવસ નિમિત્તે ત્રણદિવસીય ભાષાપર્વ ધ કાંદિવલી એજ્યુકેશન સોસાયટી અને સંવિત્તિના સહ આયોજનમાં તા. ૨૩, ૨૪ અને ૨૫મી ઑગસ્ટના રોજ હાલાઈ લોહાણા મહાજનવાડી, કાંદિવલી, મુંબઈમાં આયોજિત કરાયો હતો.
  • શોકાંજલિ: ગુજરાતી સાહિત્ય પરિષદ દ્વારા તાજેતરમાં વિદેહ થયેલા આપણા સર્જકો શ્રી અમૃતલાલ વેગડ, શ્રી હરનીશ જાની, શ્રી રજની વ્યાસ અને શ્રી ભગવતીકુમાર શર્માને શોકાંજલિ આપવા તા. ૧૮-૯-૨૦૧૮ને મંગળવારે સાંજે ૫-૦૦ કલાકે, શ્રી માધવ રામાનુજની અધ્યક્ષતામાં ગોવર્ધનભવન, ગુજરાતી સાહિત્ય પરિષદ, આશ્રમરોડ, અમદાવાદ ખાતે શોકસભાનું આયોજન કરવામાં આવ્યું હતું.
  • ગુજરાતી સાહિત્ય પરિષદ-સંચાલિત શ્રી ક. લા. સ્વાધ્યાયમંદિર અંતર્ગત ‘વિવેચનના વિવિધ અભિગમો : કૃતિ સંદર્ભે વિશે ૬ જુલાઈના રોજ સવારે ડૉ. સિતાંશુ યશશ્ચંદ્રએ ‘મનોવૈજ્ઞાનિક અભિગમ : કેટલીક સાહિત્યિક કૃતિઓના સંદર્ભે વિષય પર પહેલું વ્યાખ્યાન ગોવર્ધનસ્મૃતિ મંદિર, ગુજરાતી સાહિત્ય પરિષદમાં આપ્યું હતું. સિતાંશુ યશશ્ચંદ્રએ કહ્યું હતું કે, આ વ્યાખ્યાનશ્રેણી સાહિત્ય-વિવેચનના અભિગમનાં ત્રણ અંગો સ્વરૂપ, સંરચના અને તેના પ્રયોગ અંગેની છે. સાહિત્યના પ્રયોગો અંતે સાહિત્યિક કૃતિ સાથે સંકળાયેલા હોય છે.
  • ૧૭ જુલાઈએ બપોરે ૩-૦૦ વાગે ગુજરાતી સાહિત્ય પરિષદ સંચાલિત બહેનો માટેની એનીબહેન સરૈયા લેખનશાળા સાહિત્ય પરિષદમાં યોજવામાં આવી હતી. ૨૫ બહેનોમાંથી ૧૫ બહેનોએ અપ્રકાશિત કૃતિઓનું વાચન કર્યું હતું. જેમાં ગઝલ, અછાંદસ, લઘુકથા, ટૂંકી વાર્તા, ગીત, ગરબો વગેરે વિવિધ સાહિત્યપ્રકારોનો સમાવેશ થાય છે. વંચાયેલ કૃતિની ચર્ચા પછી શ્રી ધીરુબહેન પટેલ અને શ્રી અનિલા દલાલનું માર્ગદર્શન દિશાસૂચક રહ્યું.
  • ૨૧મી જુલાઈએ ઉમાશંકર જોશીની ૧૦૮મી જન્મજયંતી હતી. એ નિમિત્તે ગુજરાતી સાહિત્ય પરિષદ-સંચાલિત શ્રી ચી. મ. ગ્રંથાલયમાં ૧૭ જુલાઈથી ૨૧ જુલાઈ દરમિયાન તેમનાં ૧૦૮ પુસ્તકોનું પ્રદર્શન કરવામાં આવ્યું હતું. પુસ્તક-પ્રદર્શનમાં ઉમાશંકર જોશીલિખિત ૬૫ પુસ્તકો તેમજ તેમના વિશે લખાયેલાં ૫૪ પુસ્તકો, ઉપરાંત તેમના અવસાન પછીના તેમના વિશેનાં ૧૧ જેટલાં સંપાદનો પણ મૂકવામાં આવ્યાં હતાં.
  • રવીન્દ્રભવન, ગુજરાતી સાહિત્ય પરિષદ અંતર્ગત તા. ૧૧ જુલાઈના રોજ સાંજે ૬- ૦૦ કલાકે શ્રી અનિલા દલાલે ‘રવીન્દ્રનાથનાં નાટકો ‘અચલાયતન અને ‘તાશેર દેશ વિશે ગોવર્ધનભવન, ગુજરાતી સાહિત્ય પરિષદ, અમદાવાદમાં વ્યાખ્યાન આપ્યું હતું.
  • ગુજરાતી સાહિત્ય પરિષદ સંચાલિત શ્રી ચી. મ. ગ્રંથાલય આયોજીત તા. ૧૭-૭- ૨૦૧૮ દરમિયાન ઉમાશંકર જોશીની ૨૧મી જુલાઈએ ૧૦૮મી જન્મજયંતી હતી. આ ૧૦૮મી જન્મજયંતિ નિમિત્તે શ્રી ચી. મ. ગ્રંથાલયમાં તેમના ૧૦૮ પુસ્તકોનું પ્રદર્શન કરવામાં આવ્યું હતું. પુસ્તક પ્રદર્શનમાં ઉમાશંકર જોશીલિખિત ૬૫ પુસ્તકો તેમજ તેમના વિશે લખાયેલા ૫૪ પુસ્તકો, ઉપરાંત તેમના અવસાન પછીના તેમના વિશેના ૧૧ જેટલાં સંપાદનો પણ મૂકવામાં આવ્યા હતા.
  • તા. ૧૬ ઑગસ્ટથી ૨૫ ઑગસ્ટ દરમ્યાન કવિશ્રી નર્મદની જન્મજયંતી નિમિત્તે નર્મદ-દલપતનાં (સુધારક યુગ) પુસ્તકોનું પ્રદર્શન શ્રી ચી. મં. ગ્રંથાલયમાં યોજાશે.
  • ૧૭-૦૩-૨૦૧૮: ચી.મ.ગ્રંથાલય ૩૯મા સ્થાપનાદિન નિમિત્તે

  • વધુ વાંચો...


  • ગુજરાત સાહિત્ય અકાદમીની સ્વાયત્તત્તા અંગે જાહેર નિવેદન
  • ગ્રંથવિહાર : 'ગ્રંથવિહાર' એ ગુજરાતી સાહિત્ય પરિષદ સંચાલિત પુસ્તકવેચાણ કેન્દ્રનું નામ છે. પરિષદ પરિસરમાં બીજા પ્રકાશકોનાં સાહિત્યિક પુસ્તકો પણ ઉપલબ્ધ થાય એ આશય છે.
  • ચી.મ.ગ્રંથાલય: પુસ્તકો રિન્યુ કરાવવા માટે એડ્રેસ પર ઈમેલ કરવી. સાથે પુસ્તક નંબર, પુસ્તક પરત તારીખ અને કોડ નંબર અવશ્ય લખવા.
  • ઈ-ન્યુઝલેટર
  • કાર્યક્રમોની જાણકારી માટે અગત્યની સૂચના: જેમણે બધા જ કાર્યક્રમોની જાણ નિયમિત મેળવવી હોય એમણે પોતાનું નામ,મોબાઈલ નંબર તેમજ ઈમેલ એડ્રેસ જણાવવા.
  • ગુજરાતી સાહિત્ય પરિષદ ફેસબુક પેજ: https://www.facebook.com/GujaratiSahityaParishad/

આર્કાઈવ્ઝ

 

સંકલન: પ્રફુલ્લ રાવલ


વધુ માહિતી માટે અમારો સંપર્ક કરી શકો છો.